ബാങ്ക് സഹായിച്ചില്ലെങ്കിൽ ഓംബുഡ്സ്മാൻ

ബാങ്ക് സഹായിച്ചില്ലെങ്കിൽ ഓംബുഡ്സ്മാൻ

--------------------------------------------------------------------

പണം പിൻവലിക്കുമ്പോൾ പണി തന്നു എ ടി എം ചതിച്ചോ ? മറ്റാരെങ്കിലും അക്കൗണ്ടിൽ കയറി പണം പിൻവലിച്ചോ? കബളിപ്പിക്കപ്പെടാൻ ബാങ്ക് അക്കൗണ്ട് ഉടമയുടെ ജീവിതം പിന്നെയും ബാക്കി എന്ന് നിരാശപ്പെടാൻ വരട്ടെ.കൃത്യമായി പ്രശ്‌നം പരിഹരിക്കാത്ത ബാങ്കിനെതിരെ ബാങ്കിങ് ഓംബുഡ്സ്മാനെ സമീപിക്കാം.ഇടപാടുകളിൽ വീഴചയുണ്ടായിട്ടും അത് പരിഹരിക്കാൻ ബാങ്കുകൾ തയ്യാറാകുന്നില്ലെങ്കിൽ ഇടപാടുകാരനെ സഹായിക്കാനുള്ള സൗജന്യ സംവിധാനമാണ് ബാങ്കിങ് ഓംബുഡ്സ്മാൻ.

എന്തൊക്കെ പരാതികൾ
----------------------------------------
ബാങ്കിങ് സേവനവുമായി ബന്ധപ്പെട്ട ഏത് പരാതികൾക്കും ഓംബുഡ്സ്മാനെ സമീപിക്കാം.സാധാരണ ബാങ്കിന് പുറമെ മൊബൈൽ ബാങ്കിങ്, നെറ്റ് ബാങ്കിങ് എ.ടി.എം ഇടപാടുകൾ,ഓൺലൈൻ ഷോപ്പിംഗ് തുടങ്ങി ഏതു ഇടപാടിലും നിങ്ങൾക്ക് പരാതി ഉണ്ടെങ്കിൽ ആ പരാതി ന്യായമാണെങ്കിൽ പരിഹരിക്കാൻ ബാങ്കിന് ബാധ്യതയുണ്ട്.പരാതിയുണ്ടെങ്കിൽ ഏറ്റവും അടുത്ത ദിവസം തന്നെ രേഖകൾ സഹിതം നിങ്ങളുടെ ബ്രാഞ്ചിലെത്തി പരാതികൾ നൽകാം.ഒരു മാസത്തിനുള്ളിൽ നിങ്ങളുടെ പരാതി ബാങ്ക് പരിഹരിച്ചില്ലെങ്കിൽ നിങ്ങൾക്ക് ബാങ്കിങ് ഓംബുഡ്സ്മാനെ സമീപിക്കാം. ബാങ്കിന്റെ തീരുമാനത്തിൽ എതിർപ്പുണ്ടെങ്കിലും ഓംബുഡ്സ്മാനെ സമീപിക്കാം. ഓംബുഡ്‌സ്മാന്റെ തീരുമാനത്തിൽ എതിർപ്പുണ്ടെങ്കിൽ 30 ദിവസത്തിനുള്ളിൽ അപ്പീൽ നൽകാം. റിസർവ് ബാങ്ക് നിയമിക്കുന്ന പ്രത്യേക ഉദ്യോഗസ്ഥരാണ് ഓംബുഡ്സ്മാൻ.

എന്താണ് നടപടി  ക്രമം
------------------------------

• Bring the problem to the notice of the counter staff and the officer in-charge.
• If not satisfied seek a meeting with Branch Manager.
• Write to the Branch Manager for clarification/redressal.
• If you still feel aggrieved write to the Nodal Officer for complaints of the concerned bank.
• If the Nodal Officer cannot redress your complaints and you still feel aggrieved approach Banking Ombudsman for a satisfactory resolution of the matter.
   

പരാതി നല്കാൻ 3 വഴികൾ
------------------------------------------
*വെള്ളക്കടലാസിൽ പരാതി എഴുതി രേഖകൾ സഹിതം ബാങ്ക് ഓംബുഡ്സ്മാൻ വിലാസത്തിൽ അയക്കാം
വിലാസം :എച്ച്.എൻ അയ്യർ
c/o റിസർവ്ബാങ്ക് ഓഫ് ഇന്ത്യ
ബേക്കറി ജംക്ഷൻ
തിരുവനന്തപുരം - 695 033
* ബാങ്കിങ് ഓംബുഡ്സ്മാൻ വെബ്‌സൈറ്റിൽ പരാതി രജിസ്റ്റർ ചെയ്യാം
*പരാതി തയ്യാറാക്കി ബാങ്കിങ് ഓംബുഡ്‌സ്മാന്റെ ഇമെയിൽ വഴി അയക്കാം.

കൂടുതൽ വിവരങ്ങൾക്ക് റിസർവ് ബാങ്ക് ഓഫ് ഇന്ത്യ വെബ്‌സൈറ്റ് സന്ദർശിക്കുക (www.rbi.org.in)

പൊതുമരാമത്ത് പണികളുടെ എസ്റ്റിമേറ്റിനായി പഞ്ചായത്ത് / മുനിസിപ്പാലിറ്റിയില്‍ നല്‍കേണ്ട അപേക്ഷ.

പൊതുമരാമത്ത് പണികളുടെ എസ്റ്റിമേറ്റിനായി പഞ്ചായത്ത് / മുനിസിപ്പാലിറ്റിയില്‍ നല്‍കേണ്ട അപേക്ഷ.

From
    ....................

To
    സെക്രട്ടറി
    ................... നഗരസഭ / പഞ്ചായത്ത്

വിഷയം:  പൊതുമരാമത്ത് പണികളുടെ നടത്തിപ്പ് ചട്ടങ്ങള്‍ പ്രകാരം സമര്‍പ്പിക്കുന്ന അപേക്ഷ.

    .....................നഗരസഭയിലെ/പഞ്ചായത്തിലെ ............വാര്‍ഡില്‍ ...................... - ................... റോഡിന്‍റെ ................... ഭാഗത്ത് പ്ലാന്‍ ചെയ്തിരിക്കുന്ന നിര്‍മ്മാണ പ്രവൃത്തികളുടെ അംഗീകരിച്ച എസ്റ്റിമേറ്റ്, നിരക്ക്, അളവുകള്‍, എഗ്രിമെന്‍റ് ഷെഡ്യൂള്‍ തുടങ്ങിയവയുടെ പകര്‍പ്പുകള്‍ കേരള മുനിസിപ്പാലിറ്റി / കേരള പഞ്ചായത്ത് രാജ് പൊതുമരാമത്ത് പണികളുടെ നടത്തിപ്പ് ചട്ടങ്ങളിലെ ചട്ടം 17 പ്രകാരം, ടി നിര്‍മ്മാണ പ്രവൃത്തി ആരംഭിക്കുന്നതിന് മുന്‍പായി, കഴിവതും നേരത്തെ നല്‍കണമെന്ന് അപേക്ഷിക്കുന്നു.

                                                  വിശ്വസ്തയോടെ
                               
തീയതി:                                                                                                പേര്, ഒപ്പ്


Note:
1. അഞ്ച് രൂപയുടെ കോര്‍ട്ട് ഫീ സ്റ്റാമ്പ് അപേക്ഷയില്‍ ഒട്ടിക്കേണ്ടതാണ്
2. പഞ്ചായത്ത് / നഗരസഭ രേഖകള്‍ പ്രകാരമുള്ള റോഡിന്‍റെ ശരിയായ പേര് അപേക്ഷയില്‍ വ്യക്തമാക്കേണ്ടതാണ്.

പഴയ കാര്‍ വാങ്ങുമ്പോള്‍ ശ്രദ്ധിക്കേണ്ട കാര്യങ്ങള്‍

(ശ്രീ ബൈജു എന്‍ നായരുടെ കാര്‍ വാങ്ങുമ്പോള്‍ എന്ന പുസ്തകത്തില്‍ നിന്ന്)

ഒരു സെക്കന്‍ഡ് ഹാന്‍ഡ് കാര്‍ വാങ്ങാന്‍ തീരുമാനിച്ച ശേഷം ടെസ്റ്റ് ഡ്രൈവും തൃപ്തികരമായാല്‍ ഇനി ശ്രദ്ധിക്കേണ്ട കാര്യം കാറിന്റെ രേഖകളാണ്. മോഷണമുതലുകളും കുറ്റകൃത്യങ്ങള്‍ക്ക് ഉപയോഗിച്ച കാറുകളുമെല്ലാം യൂഡ്‌സ് കാറായി വില്‍പനയ്‌ക്കെത്തിയിരിക്കാം. വാങ്ങി കുറേക്കാലം കഴിയുമ്പോഴായിരിക്കും കാര്‍ മോഷണമുതലാണെന്നു പറഞ്ഞ് പോലീസ് വന്ന് തൊണ്ടിമുതലാക്കി കൊണ്ടുപോകുന്നത്. അതുകൊണ്ട് എല്ലാ രേഖകളും കൃത്യവും യഥാര്‍ഥവുമാണെന്ന് ഉറപ്പാക്കണം. രജിസ്‌ട്രേഷന്‍ സര്‍ട്ടിഫിക്കറ്റ് ബുക്ക് (ആര്‍സി ബുക്ക്), ഇന്‍ഷുറന്‍സ് സര്‍ട്ടിഫിക്കറ്റ്, പൊല്യൂഷന്‍ അണ്ടര്‍ കണ്‍ട്രോള്‍ (പിയുസി) സര്‍ട്ടിഫിക്കറ്റ്, റോഡ് ടാക്‌സ് സര്‍ട്ടിഫിക്കറ്റ്, സര്‍വീസ് ബുക്ക് എന്നിവ പരിശോധിക്കുക.


 ആര്‍സി ബുക്ക്
വാഹനത്തിന്റെ ജാതകക്കുറിപ്പാണിത്, ഏറ്റവും സുപ്രധാനമായ രേഖ. രജിസ്‌ട്രേഷന്‍ നടന്ന തീയതി, കാലാവധി, ഉടമയുടെ പേരും മേല്‍വിലാസവും, ബോഡി-ചേസിസ് നമ്പര്‍, മോഡല്‍ വിവരങ്ങള്‍, കാറിന്റെ നിറം എന്നിവയെല്ലാം ഇതില്‍ രേഖപ്പെടുത്തിയിരിക്കും. ആര്‍സി ബുക്കിലെ ബോഡി-ചേസിസ് നമ്പറുകള്‍, വാഹനത്തിന്റെതുമായി ഒത്തുനോക്കി വ്യത്യാസമില്ലെന്ന് ഉറപ്പുവരുത്തുക.
അതുപോലെ കാറിന്റെ മോഡലിന്റെ വേരിയന്റ് (ഉദാഹരണം; എല്‍എക്‌സ്‌ഐ, വിഎക്‌സ്‌ഐ, ഇസഡ് എക്‌സ്‌ഐ) ഏതെന്നും ആര്‍സി ബുക്കില്‍ രേഖപ്പെടുത്തിയിട്ടുണ്ടാകും. എന്‍ട്രിലെവല്‍ മോഡലിനെ ഒരു സ്റ്റിക്കര്‍ പതിച്ച് ടോപ് എന്‍ഡ് മോഡലാക്കാന്‍ എളുപ്പമാണ്. അതുകൊണ്ട് ആര്‍സി ബുക്കില്‍നിന്നും യഥാര്‍ഥ വേരിയന്റും മനസ്സിലാക്കണം.
വാഹനം കൈമാറ്റം ചെയ്യപ്പെട്ടിട്ടുണ്ടെങ്കില്‍ പുതിയ ഉടമയുടെ പേരും വിലാസവുംകൂടി ആര്‍സി ബുക്കില്‍ ഉണ്ടാകും. വാഹനത്തിനുവേണ്ടി ഏതെങ്കിലും ബാങ്ക്-ധനകാര്യസ്ഥാപനത്തിന്റെ വായ്പ എടുത്തിട്ടുണ്ടെങ്കില്‍ അതും, വായ്പ അവസാനിപ്പിച്ചിട്ടുണ്ടെങ്കില്‍ അതും ആര്‍സി ബുക്കില്‍ രേഖപ്പെടുത്തിയിട്ടുണ്ടാകും.
ആര്‍സി ബുക്ക് വ്യാജമാണെന്ന് സംശയം തോന്നിയാല്‍ കാര്‍ രജിസ്റ്റര്‍ ചെയ്യാതെ ആര്‍ടി ഓഫീസുമായി ബന്ധപ്പെട്ട് നിജസ്ഥിതി മനസ്സിലാക്കണം. പതിനഞ്ചു വര്‍ഷം പഴക്കമുള്ള വാഹനങ്ങള്‍ക്ക് റീരജിസ്‌ട്രേഷന്‍ വേണ്ടിവരുമെന്നും ഓര്‍ക്കുക.

ഇന്‍ഷുറന്‍സ് സര്‍ട്ടിഫിക്കറ്റ്
എല്ലാ മോട്ടോര്‍വാഹനങ്ങള്‍ക്കും ഇന്‍ഷുറന്‍സ് ഉണ്ടായിരിക്കണമെന്ന് നിയമം അനുശാസിക്കുന്നു. തേര്‍ഡ് പാര്‍ട്ടി, കോംപ്രിഹെന്‍സീവ് എന്നിങ്ങനെ രണ്ടു തരമുണ്ട് മോട്ടോര്‍ വാഹന ഇന്‍ഷുറന്‍സ്.
തേര്‍ഡ് പാര്‍ട്ടി ഇന്‍ഷുറന്‍സ് - നിങ്ങളുടെ വാഹനംമൂലം മറ്റാളുകള്‍ക്ക് അപകടമോ, വസ്തുവകകള്‍ക്ക് നാശമോ ഉണ്ടായാല്‍ തേര്‍ഡ് പാര്‍ട്ടി ഇന്‍ഷുറന്‍സിന്റെ പരിരക്ഷ ലഭിക്കും. തീപിടുത്തം, അപകടം, മോഷണം എന്നിവമൂലം കാറിനുണ്ടാകുന്ന നഷ്ടങ്ങള്‍ക്ക് മോട്ടോര്‍ പോളിസി-എ അഥവാ തേര്‍ഡ് പാര്‍ട്ടി ഇന്‍ഷുറന്‍സ് നഷ്ടപരിഹാരം ലഭിക്കില്ല. വാഹനത്തിന്റെ എന്‍ജിന്‍ ഡിസ്‌പ്ലേസ്‌മെന്റിനും വാഹനത്തിന്റെ പഴക്കത്തിമനുസരിച്ച് ഇതിന്റെ പ്രീമിയം തുക നിശ്ചയിക്കും.
കോംപ്രിഹെന്‍സീവ് ഇന്‍ഷുറന്‍സ് - തേര്‍ഡ് പാര്‍ട്ടി ഇന്‍ഷുറന്‍സിനെക്കാള്‍ പലമടങ്ങ് കൂടുതലാണ് ഇതിന്റെ പ്രീമിയം. തേര്‍ഡ് പാര്‍ട്ടി ഇന്‍ഷുറന്‍സും ഇതിന്റെ ഭാഗമാണ്. അഥവാ, കോംപ്രിഹെന്‍സീവ് ഇന്‍ഷുറന്‍സ് എടുത്താല്‍ അതില്‍ തേര്‍ഡ് പാര്‍ട്ടി ഇന്‍ഷുറന്‍സും അടങ്ങിയിട്ടുണ്ടെന്നര്‍ഥം. മോഷണം, അപകടം, തീപിടുത്തം, പ്രകൃതിക്ഷോഭം, കലാപം തുടങ്ങിയവമൂലം കാറിനുണ്ടാകുന്ന നാശനഷ്ടങ്ങള്‍ക്ക് കോംപ്രിഹെന്‍സീവ് ഇന്‍ഷുറന്‍സ് പരിരക്ഷ ഉറപ്പാക്കുന്നു. കാറിന്റെ വിപണി വില, മോഡല്‍, വര്‍ഷം, ഇപ്പോള്‍ പ്രൊഡക്ഷനുള്ള കാറാണോ തുടങ്ങിയ പല കാര്യങ്ങള്‍ നോക്കിയാണ് കോംപ്രിഹെന്‍സീവ് ഇന്‍ഷുറന്‍സ് പ്രീമിയം നിശ്ചയിക്കുന്നത്.
ഒരു വര്‍ഷത്തേക്കാണ് സാധാരണയായി ഇന്‍ഷുറന്‍സ് അടയ്ക്കുന്നത്. വാങ്ങാന്‍ ഉദ്ദേശിക്കുന്ന കാറിന്റെ ഇന്‍ഷുറന്‍സ് കാലാവധി തീരാറായിട്ടുണ്ടെങ്കില്‍ അതു പുതുക്കാനുള്ള ബാധ്യത ഉടനടി നിങ്ങളില്‍ വന്നുചേരും എന്നോര്‍ക്കുക.
അപകടങ്ങള്‍ സംഭവിച്ച്, നഷ്ടപരിഹാരമൊന്നും കഴിഞ്ഞ ഒരു വര്‍ഷത്തിനുള്ളില്‍ ക്ലെയിം ചെയ്തിട്ടില്ലെങ്കില്‍ പ്രീമിയം തുകയുടെ 15 ശതമാനം അടുത്ത തവണ ഇന്‍ഷുറന്‍സ് പുതുക്കുമ്പോള്‍ കുറച്ചടച്ചാല്‍ മതി. എന്നാല്‍, ഇപ്പോഴത്തെ ഉടമയ്ക്ക് വേണമെങ്കില്‍ ആ ബോണസ്സ്, താന്‍ അടുത്തതായി വാങ്ങാന്‍ പോകുന്ന കാറിന്റെ ഇന്‍ഷുറന്‍സ് പ്രീമിയത്തിലേക്ക് ട്രാന്‍സ്ഫര്‍ ചെയ്യാം. അങ്ങനെ വരുമ്പോള്‍ നിങ്ങള്‍ക്ക് ആ 15 ശതമാനത്തിന്റെ ആനുകൂല്യം ലഭിക്കില്ല. മുഴുവന്‍ പ്രീമിയം തുകയും അടച്ച് ഇന്‍ഷുറന്‍സ് പുതുക്കേണ്ടിവരും.

റോഡ് ടാക്‌സ് സര്‍ട്ടിഫിക്കറ്റ്
1998 മുതല്‍ ഒറ്റത്തവണ റോഡ് ടാക്‌സാണ് സ്വകാര്യ വാഹനങ്ങള്‍ക്ക് ഏര്‍പ്പെടുത്തിയിരിക്കുന്നത്. ഇത് പതിനഞ്ചു വര്‍ഷത്തേക്കുള്ളതാണ്. ടാക്‌സ് ടോക്കണ്‍ കൃത്യമായി പരിശോധിച്ച് അടച്ചിട്ടുണ്ടെന്ന് ഉറപ്പാക്കുക.

സര്‍വീസ് ബുക്ക്
ആധുനിക കാറുകളെല്ലാതന്നെ അതത് കമ്പനികളുടെ സര്‍വീസ് സെന്ററുകളിലാണ് സര്‍വീസ് ചെയ്യിക്കാറ്. ഓരോ 5000 കിലോമീറ്റര്‍ ഓടിക്കുമ്പോഴും സര്‍വീസ് ചെയ്യിക്കുകയാണ് പതിവ്. കാറിനുള്ളില്‍ സൂക്ഷിച്ചിരിക്കുന്ന ഓണേഴ്‌സ് മാനുവല്‍ അഥവാ സര്‍വീസ് ബുക്കില്‍ 50000 കിലോമീറ്റര്‍ വരെയെങ്കിലുമുള്ള സര്‍വീസുകള്‍ രേഖപ്പെടുത്താറുണ്ട്. ഇത് പരിശോധിച്ചാല്‍ സര്‍വീസ് കാലാവധികള്‍ വ്യക്തമായി മനസ്സിലാക്കാം.
കുടാതെ അംഗീകൃത സര്‍വീസ് സെന്ററുകളിലെല്ലാം കമ്പ്യൂട്ടറുകളില്‍ കാറിന്റെ സര്‍വീസ് ഹിസ്റ്ററി സൂക്ഷിച്ചിട്ടുണ്ടാകും. കാര്‍ ഏത് സര്‍വീസ് സെന്ററിലാണ് സ്ഥിരമായി സര്‍വീസ് ചെയ്യുന്നതെന്നറിഞ്ഞാല്‍ അവിടവുമായി ബന്ധപ്പെട്ട് കാറിന്റെ രജിസ്‌ട്രേഷന്‍ നമ്പര്‍ പറഞ്ഞാല്‍ അവര്‍ സര്‍വീസ് ഹിസ്റ്ററി നോക്കി വിശദവിവരങ്ങള്‍ പറഞ്ഞുതരികയും ചെയ്യും. അങ്ങനെ കാറിന്റെ ഭുതകാലം അറിയാന്‍ കഴിയും.

Source: http://www.mathrubhumi.com/auto/tips/checklist-of-documents-for-buying-a-used-car-1.2622132

വിദ്യാര്‍ഥികളില്‍ നിന്നും പിരിക്കുന്ന തുകയുടെ വിശദാംശങ്ങള്‍

                                       
FROM
       <Name and Address of the Applicant>

TO
        State Public Information Officer
        <Address of the school>

സര്‍/മാഡം,

വിഷയം:   സ്കൂളില്‍ നടത്തിയ വിവിധ പിരിവുകളെ സംബന്ധിച്ച് സമര്‍പ്പിക്കുന്ന വിവരാവകാശ അപേക്ഷ:
    താങ്കളുടെ സ്ഥാപനത്തില്‍ പഠിക്കുന്ന/പഠിച്ചിരുന്ന വിദ്യാര്‍ഥികളില്‍ നിന്നും ........................................തീയതിക്ക് ശേഷം നാളിതുവരെ, അഡ്മിഷന്‍ സമയത്തുള്‍പ്പടെ നടത്തിയിട്ടുള്ള  എല്ലാവിധ  പിരിവുകളേയും (കൂപ്പണ്‍, സ്റ്റാമ്പ്, രസീതി തുടങ്ങിയ ഏതു രീതിയിലും വിദ്യാര്‍ഥികളില്‍ നിന്നും നേരിട്ടോ അല്ലാതെയോ വിദ്യാര്‍ഥികളെ ഉപയോഗിച്ചോ ഏതു രീതിയിലും ഉള്ള ധനശേഖരണം) സംബന്ധിച്ച താഴെ പറയുന്ന വിവരം വിവരാവകാശ നിയമപ്രകാരം ലഭ്യമാക്കണമെന്ന് അപേക്ഷിക്കുന്നു.

1. ടി കാലാവധിയില്‍ ഏതൊക്കെ ആവശ്യങ്ങള്‍ക്ക് പിരിവ് നടത്തിയിട്ടുണ്ട്, ഓരോരുത്തരില്‍ നിന്നും പിരിച്ച തുക  എന്നിവ സംബന്ധിച്ച വിശദാംശങ്ങള്‍.
 
2. ടി പിരിച്ച തുകയുടെ കണക്കുകള്‍ ക്ലാസ് വൈസ് ലഭ്യമാക്കുക.
    a. ഏതു ക്ലാസ്സില്‍ പഠിക്കുന്ന ആരൊക്കെ എത്ര രൂപാ വീതം പിരിവ് നല്‍കി എന്ന് വ്യക്തമാക്കുന്ന രേഖകളുടെ പകര്‍പ്പ് ലഭ്യമാക്കുക
    b. പൊതുജനങ്ങളില്‍ നിന്നും പണം പിരിച്ചിട്ടുണ്ടെങ്കില്‍ അതിന്‍റെ രേഖകള്‍.

3. ടി പിരിച്ച തുകയ്ക്ക്  രസീത് നല്‍കിയിട്ടുണ്ടോ എന്ന വിവരം.
    a) ഉണ്ടെങ്കില്‍ ടി രസീത് നമ്പറുകള്‍ വ്യക്തമാക്കുക.
    b) രസീതില്‍ വിദ്യാര്‍ഥിയുടെ / രക്ഷിതാവിന്റെ പേര്, വിദ്യാര്‍ഥി പഠിക്കുന്ന ക്ലാസ് , പിരിച്ച തീയതി എന്നിവ വ്യക്തമാക്കിയിട്ടുണ്ടോ എന്ന വിവരം

4. ടി പിരിച്ച പണം ചിലവാക്കിയതിന്റെ  വരവ്-ചെലവു കണക്കുകള്‍ ലഭ്യമാക്കുക.
    a) ഇത് സംബന്ധിച്ച എല്ലാ രേഖകളുടേയും/ബില്ലിന്റേയും/വൌച്ചര്‍/ഇന്‍വോയ്സിന്റേയും സാക്ഷ്യപ്പെടുത്തിയ പകര്‍പ്പുകള്‍ ലഭ്യമാക്കുക.
    b) മിച്ചമുള്ള തുക
    c) ചിലവഴിച്ച തുക ഓഡിറ്റ് ചെയ്തതിന്റെ രേഖകള്‍.   

                                                  വിശ്വസ്തയോടെ
                                                                                           ഒപ്പ്
തീയതി:
                                                                            അപേക്ഷകന്റെ പേര്

തദ്ദേശ സ്വയംഭരണ സ്ഥാപനങ്ങള്‍ക്ക് വേണ്ടിയുള്ള ഓംബുഡ്സ്മാന്

തദ്ദേശ സ്വയംഭരണ സ്ഥാപനങ്ങള്‍ക്ക് വേണ്ടിയുള്ള ഓംബുഡ്സ്മാന് പരാതി നല്‍കുമ്പോള്‍ ശ്രദ്ധിക്കേണ്ട കാര്യങ്ങള്‍.

          പഞ്ചായത്ത്, നഗരസഭ,  കോര്‍പ്പറേഷന്‍ തുടങ്ങിയ ത.സ്വ.ഭ സ്ഥാപനങ്ങളിലെ ഉദ്യോഗസ്ഥരോ തെരഞ്ഞടുക്കപ്പെട്ട അംഗങ്ങളോ ചെയ്യുന്ന അഴിമതി, ദുര്‍ഭരണം, ക്രമക്കേട്, അധികാര ദുര്‍വിനിയോഗം, വീഴ്ച എന്നിവ അന്വേഷിക്കുന്നതിനും വിചാരണ ചെയ്യുന്നതിനുമാണ് തദ്ദേശ സ്വയംഭരണ സ്ഥാപനങ്ങള്‍ക്ക് വേണ്ടിയുള്ള ഓംബുഡ്സ്മാന്‍ രൂപീകരിച്ചിട്ടുള്ളത്.   എന്നാല്‍ ഓംബുഡ്സ്മാന് പരാതി നല്‍കുന്നതിനുള്ള നടപടിക്രമങ്ങള്‍ എന്താണെന്ന് പലര്‍ക്കുമറിയില്ല. സാധാരണ പരാതി നല്‍കും പോലെ  ഓംബുഡ്സ്മാന് പരാതി നല്‍കാനാവില്ല.  ഓംബുഡ്സ്മാന്  പരാതി നല്‍കുമ്പോള്‍ താഴെ പറയുന്ന കാര്യങ്ങള്‍ നിര്‍ബന്ധമായും പൊതുജനങ്ങള്‍ ശ്രദ്ധിച്ചിരിക്കണം,

1. നിര്‍ദ്ദിഷ്ട മാതൃകയിലായിരിക്കണം പരാതി നല്‍കേണ്ടത്.  പരാതിയുടെ മാതൃക (ഫാറം A) ചുവടെ കൊടുക്കുന്നു.
2. വിവരാവകാശ അപേക്ഷയിലെ പോലെ പത്ത് രൂപയുടെ കോര്‍ട്ട് ഫീ സ്റ്റാമ്പ് നിര്‍ബന്ധമായും പരാതിയില്‍ പതിച്ചിരിക്കണം.
3. ടി ഫാറത്തിലെ പരാതി നമ്പര്‍ കോളം പൂരിപ്പിക്കേണ്ടതില്ല; അത് ഓഫീസ് ആവശ്യത്തിനുള്ളതാണ്. ഫാറത്തിന്‍റെ അവസാനം രണ്ട് സ്ഥലത്ത് പരാതിക്കാരന്‍ ഒപ്പിടേണ്ടതാണ്.
4. പരാതിക്കാരുടെ / എതിര്‍കക്ഷികളുടെ എണ്ണം  കൂടുതലാണെങ്കില്‍ ഫാറത്തില്‍ സ്ഥലമില്ലാത്ത പക്ഷം പ്രത്യേക പേപ്പറില്‍ ക്രമനമ്പരിട്ട് എഴുതി സമര്‍പ്പിക്കാവുന്നതാണ്.
5. ഫാറത്തില്‍ നിര്‍ദ്ദിഷ്ട കോളത്തില്‍ (ക്രമ നമ്പര്‍ 5) പരാതിയുടെ വിവരണം നല്‍കുന്നതിന് കൂടുതല്‍ സ്ഥലം ആവശ്യമാണെങ്കില്‍ വെള്ള  പേപ്പറില്‍ എഴുതി സമര്‍പ്പിക്കാവുന്നതാണ്.
6. പരാതിയില്‍ എത്ര എതിര്‍കക്ഷികളുണ്ടോ അത്രയും  പരാതിയുടെയും രേഖകളുടേയും പകര്‍പ്പുകളും കൂടാതെ രണ്ട് പകര്‍പ്പുകളും ഉണ്ടായിരിക്കേണ്ടതാണ്.  ഉദാ. പരാതിയില്‍ മൂന്ന്‍ എതിര്‍കക്ഷികള്‍ ഉണ്ടെങ്കില്‍ 5 (3 + 2)    പകര്‍പ്പ് ഹാജരാക്കേണ്ടതാണ്.
7. പരാതിക്കാരന്റെ പേരും മേല്‍വിലാസവും വ്യക്തമായി എഴുതേണ്ടതും ഫോണ്‍ നമ്പര്‍, ഇ-മെയില്‍ എന്നിവയുണ്ടെങ്കില്‍ അത് കൂടി രേഖപ്പെടുത്തേണ്ടതുമാണ്. 
8. പരാതി നേരിട്ടോ രജിസ്റ്റര്‍ ചെയ്ത തപാല്‍ മുഖേനയോ സമര്‍പ്പിക്കാം. വിലാസം:
    Secretary
    Ombudsman For LSGI Kerala
    Saphalyam Complex, 4th Floor
    Trida Building, University P.O.
    Thiruvananthapuram - 695034
    Phone: 0471 2333542

9. ഓംബുഡ്സ്മാന് ഇ-മെയില്‍ വഴി വിവരങ്ങള്‍ അറിയിക്കാം: ombudsmanlsgi@gmail.com

     ന്യൂനത ഉള്ള പരാതികള്‍ പരാതിക്കാരന് മടക്കി അയക്കുന്നതും ന്യൂനത പരിഹരിച്ച് പതിനഞ്ച് ദിവസത്തിനകം വീണ്ടും സമര്‍പ്പിച്ചാല്‍ പരിഗണിക്കുന്നതുമാണ്. കാലതാമസം ഒഴിവാക്കാന്‍ ന്യൂനത ഉണ്ടാകാതെ ശ്രദ്ധിക്കുക. ഓംബുഡ്സ്മാനുള്ളതിനാല്‍ ത.സ്വ.ഭ സ്ഥാപനങ്ങളുമായി ബന്ധപ്പെട്ട പരാതികള്‍   ലോകായുക്ത സ്വീകരിക്കില്ല എന്ന കാര്യവും അറിഞ്ഞിരിക്കേണ്ടതാണ്. കൂടുതല്‍ വിവരങ്ങള്‍ക്കും സംശയനിവാരണത്തിനും ആം ആദ്മി പാര്‍ട്ടി കേരളയുടെ 9495123434 എന്ന ഹെല്പ് ലൈന്‍ നമ്പരില്‍ വിളിക്കുക.

സെൻകുമാർ കേസ് - സർക്കാർ ചിലവഴിച്ച തുക

From
    <Name and Address Of the Applicant>
To
    State Public Information Officer
    O/O Chief Secretary
    Government Secretariat
    Thiruvananthapuram – 695001

Sir,
         വിഷയം: വിവരാവകാശ നിയമപ്രകാരമുള്ള അപേക്ഷ.
         സൂചന: ബഹു സുപ്രീം കോടതിയിലെ CIVIL APPEAL NO. 5227 OF 2017 ( Dr. T.P. Senkumar IPS Vs Union of India & Ors.)

    സൂചനയിലെ പരാമര്‍ശങ്ങളിലേക്ക് ശ്രദ്ധ ക്ഷണിക്കുന്നു. ഡിജിപി സ്ഥാനത്ത് നിന്നും ടി.പി സെന്‍കുമാര്‍ IPS-നെ നീക്കിയതിനെതിരെ അദ്ദേഹം ബഹു: സുപ്രീം കോടതിയില്‍ നല്‍കിയ അപ്പീലുമായി ബന്ധപ്പെട്ട, താഴെ പറയുന്ന വിവരം അഥവാ വിവരങ്ങള്‍ അടങ്ങിയ രേഖകളുടെ പകര്‍പ്പുകള്‍ വിവരാവകാശ നിയമപ്രകാരം ലഭ്യമാക്കുക.

1.  ടി അപ്പീലുമായി ബന്ധപ്പെട്ട് സംസ്ഥാന സര്‍ക്കാരിന് വേണ്ടി ഹാജരായ / വാദിച്ച  അഭിഭാഷകര്‍ക്ക് നാളിതുവരെ നല്‍കിയ തുകയുടെ വിശദാംശങ്ങള്‍.
    a. അപ്പീല്‍ ഹര്‍ജി, ക്ലാരിഫിക്കേഷന്‍ ഹര്‍ജി (Application for clarification / modification) , റിവിഷന്‍ ഹര്‍ജി (Review Petition), കോടതി അലക്ഷ്യ ഹര്‍ജി (Contempt Petition) എന്നിവയ്ക്ക് നല്‍കിയ തുകയുടെ കണക്കുകള്‍ പ്രത്യേകം ലഭ്യമാക്കുക.
    b. ടി തുക എപ്രകാരമാണ് നല്‍കിയതെന്ന വിവരം. (Mode of payment)

2.  ടി അപ്പീലുമായി ബന്ധപ്പെട്ട് സംസ്ഥാന സര്‍ക്കാരിന് വേണ്ടി ഹാജരായ / വാദിച്ച  അഭിഭാഷകര്‍ക്ക് നാളിതുവരെ നല്‍കേണ്ട തുകയുടെ വിശദാംശങ്ങള്‍.
    a. അപ്പീല്‍ ഹര്‍ജി, ക്ലാരിഫിക്കേഷന്‍ ഹര്‍ജി (Application for clarification / modification) , റിവിഷന്‍ ഹര്‍ജി (Review Petition), കോടതി അലക്ഷ്യ ഹര്‍ജി (Contempt Petition) എന്നിവയ്ക്ക് നല്‍കേണ്ട തുകയുടെ കണക്കുകള്‍ പ്രത്യേകം ലഭ്യമാക്കുക.

3.  ടി അപ്പീലുമായും ഹര്‍ജികളുമായും ബന്ധപ്പെട്ട് സര്‍ക്കാരിന് വേണ്ടി ഹാജരായ / വാദിച്ച അഭിഭാഷകര്‍ നാളിതുവരെ നല്‍കിയ ബില്ലിന്റെ പകര്‍പ്പ്.

4.  കേരള സര്‍ക്കാര്‍ ബഹു: സുപ്രീം കോടതിയില്‍ നിലവില്‍ നിയമിച്ചിട്ടുള്ള ഗവ: പ്ലീഡര്‍മാരുടെ പേരുകള്‍.
    a. ടി ഗവ: പ്ലീഡര്‍മാരെ ഒഴിവാക്കി മറ്റ് അഭിഭാഷകരെ ടി അപ്പീലില്‍ സര്‍ക്കാരിന് വേണ്ടി ഹാജരാകുന്നതിന് നിയമിച്ചതിന്റെ കാരണം വ്യക്തമാക്കുക.
    b. ടി കാരണം രേഖപ്പെടുത്തി വെച്ച രേഖയുടെ പകര്‍പ്പ്.

5.  ടി അപ്പീലുമായി / ഹര്‍ജിയുമായി ബന്ധപ്പെട്ട് ആരില്‍ നിന്നെല്ലാം സര്‍ക്കാര്‍ നിയമോപദേശം തേടിയിട്ടുണ്ട് എന്നതിന്റെ വിശദാംശങ്ങള്‍.
    a. ടി ഉപദേശകര്‍ സര്‍ക്കാരിന് നല്‍കിയ നിയമോപദേശത്തിന്റെ പകര്‍പ്പ്.
    b. ടി നിയമോപദേശത്തിനായി സര്‍ക്കാര്‍ നല്‍കിയ / നല്‍കേണ്ട തുകയുടെ വിശദാംശങ്ങള്‍.

6.  ടി കേസില്‍ സുപ്രീം കോടതി സര്‍ക്കാരിനോട് അടയ്ക്കാന്‍ ആവശ്യപ്പെട്ട തുക / പിഴ അടച്ചതിന്റെ വിശദാംശങ്ങള്‍ അടച്ച തീയതി,  ഏത് ഫണ്ടില്‍ നിന്നും അടച്ചു എന്നീ വിവരങ്ങള്‍ ഉള്‍പ്പടെ.

7.  ടി അപ്പീലുമായി ബന്ധപ്പെട്ട് മന്ത്രിമാര്‍, ജനപ്രതിനിധികള്‍, ഉദ്യോഗസ്ഥര്‍, പ്രതിനിധികള്‍ തുടങ്ങിയവരില്‍ ആരെങ്കിലും നടത്തിയിട്ടുള്ള യാത്രയുടെ താഴെ പറയുന്ന വിവരം ലഭ്യമാക്കുക.
     a. യാത്ര ചെയ്ത വ്യക്തിയുടെ പേരും സ്ഥാനപ്പേരും.
    b. യാത്ര ചെയ്ത വ്യക്തിയുടെ കൂടെ  അനുഗമിച്ചവരുടെ പേരും സ്ഥാനപ്പേരും.
    c. യാത്ര ചെയ്ത തീയതി(കള്‍)
    d. ഓരോരുത്തര്‍ക്കും യാത്ര, താമസം, ഭക്ഷണം എന്നിവയ്ക്കായി ആകെ ചിലവഴിച്ച തുകയും അതിന്റെ ബ്രേക്കപ്പും.

8. ടി ആവശ്യപ്പെട്ടതല്ലാതെ മറ്റേതെങ്കിലും തരത്തിലുള്ള ചിലവുകള്‍ ടി അപ്പീലുമായി ബന്ധപ്പെട്ട് വന്നിട്ടുണ്ടെങ്കില്‍ ആയതിന്റെ വിശദാംശങ്ങള്‍.

Note:
എല്ലാ രേഖകളും സാക്ഷ്യപ്പെടുത്തി നല്‍കേണ്ടതാണ്.
ആവശ്യപ്പെട്ട വിവരം പൂര്‍ണമായോ ഭാഗികമായോ നിഷേധിക്കുകയോ വിവരം  ലഭിക്കുന്നതിനുള്ള ഫീസ്‌ അടയ്ക്കുന്നതൊഴിച്ച് മറ്റെന്തെങ്കിലും തീരുമാനമെടുക്കുകയോ ചെയ്യുന്നപക്ഷം അതിന്റെ കാരണവും വിവരാവകാശ നിയമത്തിലെ ബന്ധപ്പെട്ട സെക്ഷനും വ്യക്തമാക്കേണ്ടതാണ്.

       
                                                   വിശ്വസ്തതയോടെ

Place:                                                                                            (signature)        
Date:                                                                                           (name)                                                                     

[ പത്ത് രൂപയുടെ  കോർട്ട്   ഫീസ്  സ്റ്റാമ്പ് ഒട്ടിച്ച് അപേക്ഷ അയക്കുക.]

സ്കൂളുകളിലെ അച്ചടക്ക നടപടി - ഡിപിഐ ഉത്തരവ്

        സ്കൂളുകളിലെ അച്ചടക്ക നടപടി മൂലം പഠനം  മുടങ്ങുന്ന സാഹചര്യം സൃഷ്ടിക്കരുതെന്ന ഡിപിഐ ഉത്തരവ്. മാത്രവുമല്ല, ഒരു വിദ്യാര്‍ഥിക്കെതിരെ അച്ചടക്ക നടപടി സ്വീകരിക്കുമ്പോള്‍ കേരള വിദ്യാഭ്യാസ ചട്ടം IX ആം അദ്ധ്യായം വകുപ്പ് (6) പ്രകാരം കുട്ടികള്‍ക്കെതിരെയുള്ള അച്ചടക്ക നടപടി രക്ഷിതാവിനേയും വിദ്യാഭ്യാസ ഓഫീസറേയും അറിയിക്കേണ്ടതും തന്‍റെ ഭാഗം വിശദീകരിക്കാനുള്ള അവസരം ആരോപണ വിധേയര്‍ക്ക് നല്‍കേണ്ടതുമാണ്‌ അപ്രകാരമല്ലാതെയുള്ള നടപടി സ്വാഭാവിക നീതിയുടെ ലംഘനമാണ്.    'അച്ചടക്ക നടപടി സ്വീകരിക്കുമ്പോള്‍ ' എന്നാണ് ഉത്തരവില്‍ പറഞ്ഞിരിക്കുന്നത്. അതായത്, അച്ചടക്ക നടപടി അഥവാ ശിക്ഷ തീരുമാനിക്കുന്നതിന് മുന്‍പ് മേല്പറഞ്ഞ നടപടി ക്രമങ്ങള്‍ പാലിക്കണം എന്ന് ചുരുക്കം. ഒരു  വിദ്യാര്‍ഥിയെ സസ്പെന്‍ഡ് ചെയ്ത ശേഷം  വിശദീകരണം ആവശ്യപ്പെടുന്നതും രക്ഷകര്‍ത്താവിനെ വിളിച്ച് കൊണ്ട് വരാന്‍ പറയുന്നതും നിയമ വിരുദ്ധമാണ് എന്ന് സാരം.  അച്ചടക്ക നടപടി സ്വീകരിക്കുമ്പോള്‍ സ്വാഭാവിക നീതി ഉറപ്പ് വരുത്തണമെന്നും ലംഘനങ്ങള്‍ കണ്ടാല്‍ ഏതൊരാളും വിദ്യാഭ്യാസ ഓഫീസര്‍ക്ക് രേഖാമൂലം പരാതിപ്പെടണമെന്നും അഭ്യര്‍ഥിക്കുന്നു.

ഉത്തരവ് നം: H1/51518/2015/DPI  Dated: 27.10.2015  Category: Juvenile Justice Act 2000
ഡൌണ്‍ലോഡ് ചെയ്യുന്നതിന് ഇവിടെ ക്ലിക്ക് ചെയ്യുക.